7 Jun 2012

Situs Resmi Calon Gubernur dan Wakil Gubernur Jakarta



Assalaamu'alaykum sobat TERUS MENULIS. Udah pada tau pan ya kalo tanggal 11 Juli 2012 ntu ada pemilihan Abang nomer WAHID se-Jakarta alias Gubernur Jakarta. Gimana nih, udah pada ngecek Daptar Pemilih Tetap (DPT) nye belom? Kalo beloman, bisa di cek via online di sini. Atau bisa juga cek langsung di kelurahan setempat. Nah kalo udah pada ke daptar jadi pemilih tetap, sekarang kite harus tau nih siapa-siapa aja nyang nyalon jadi Gubernur en Wakil Gubernur nye. Plus tau sekalian dah sama visi-misi en program unggulan nye buat Jakarta nyang kite cintai ini.

Jangan sampe kite salah pilih. Harus kudu wajib dipertimbangin mateng-mateng tuh sebelom kite milih. Supaya ntar nyang kepilih jadi Gubernur en Wakil Gubernur nye bener-bener bisa ngejalanin amanah en sanggup buat nyelesein plus ngeberesin semua masalah Jakarta kite. hehe. Kite-kite jangan mau dah tuh di suap uang nyang kaga seberapa buat milih calon Gubernur tertentu. Jangan mau juga dikibulin sama janji-janji manis apalagi nyang ngejanjiin janjinye pake taon. hehe.

Oke dah, ni aye (EMPU TERUS MENULIS) kasih nama-nama plus nomor urut nyang nyalon jadi Gubernur en Wakil Gubernur nye. Sekalian juga ada situs resmi dari nyang nyalon, supaya nambah-nambah informasi sebelom milih nyang terbaek. Mudah-mudahan bermanfaat ye. Nyok sama-sama suksesin pemilukada Jakarta kite nyang aman, lancar en sukses tanpa kecurangan. Nyok kite beresin jakarta kite !!

1.      1. Fauzi Bowo dan Nachrowi Ramli
            pasangan calon dari Partai Demokrat
            situs resminya : http://web.fauzi-nachrowi.com/

2.      2. Hendardji Supandji dan Achmad Riza Patria
            pasangan calon dari jalur independen
            situs resminya : http://www.hendardjisoepandji.net/

3.      3. Joko Widodo dan Basuki Tjahaja Purnama
            pasangan calon dari PDIP dan Gerindra
            situs resminya : http://ahok.org/

4.      4. Hidayat Nurwahid dan Didik J Rachbini
            pasangan calon dari PKS dan PAN
            situs resminya : http://hidayatdidik.net/

5.      5. Faisal Basri dan Biem Benyamin
            pasangan calon dari jalur independen
            situs resminya : http://www.faisal-biem.com/beranda

6.      6. Alex Nurdin dan Nono Sampono
            pasangan calon dari Golkar, PPP, dan PDS
            situs resminya : http://alexnono.com/

No comments:

Post a Comment